नागपूर शहर, दि. २५/०५/२०२३.
दिनांक 19.05.2023 चे 01.10 वा. ते 03.20 वा. चे दरम्यान पोलीस ठाणे गिट्टीखदान हद्दीत, प्लॉट नं. 151, केटीनगर, गार्डनजवळ, नागपुर, येथे राहणारे फिर्यादी वय 55 वर्ष, हे रायगड, छत्तीसगढ येथे साउथ इस्टर्न कोल्ड फिल्ड लिमी. येथे काम करतात. त्यांची पत्नी व मुलगी हया फिर्यादीला भेटण्याकरिता घराचे दाराला कुलूप लावुन रायगड, आल्या असता, कोणीतरी अज्ञात चोरट्याने त्यांचे घराचे लोखंडी गेटचे व मुख्य दाराचे कुलूप तोडुन, घरात प्रवेश करून, घरातील बेडरूम मधील लोखंडी कपाटातुन सोन्याचे 3 बिस्कीटे प्रती 100 ग्रॅम. 3 नग, सोन्याचे सिक्के प्रती 10 ग्रॅम. 4 नग व नगदी 21,000/रू, असा मुद्देमाल चोरून नेला. याप्रकरणी फिर्यादी यांनी घरी येवुन सिसीटिव्ही फुटेज चेक करून दिलेल्या तक्रारीवरून पो. ठाणे गिट्टीखदान येथे अज्ञात आरोपी विरूध्द कलम 457, 380 भादवि अन्वये गुन्हा नोंद होता.
गुन्हेशाखा, यनिट क्र. 3 चे अधिकारी व कर्मचारी यांनी गुन्हयाचे समांतर तपासात गुप्तबातमीदारा कडुन मिळालेल्या खात्रीशीर माहिती वरून तसेच तांत्रीक तपास करून गुन्हयातील आरोपी यास दिनांक. 23.05.2023 चे सकाळी 08.30 वा. चे सुमारास मनसर कांद्री रेल्वे लाईन परीसरात सापळा रचुन ताब्यात घेतले. त्यास गुन्हयाबाबत विचारले असता आरोपीने गुन्हा केल्याची कबुली दिली. अधीक सखोल विचारपुस केली असता आरोपीने गुन्हयातील चोरी केलेला मुद्देमाल व इतर असा 1) 04 सोन्याचे बिस्कीटे, प्रती 100 ग्रॅम, एकुण 400 ग्रॅम,2) 01 सोन्याचा सिक्का 10 ग्रॅम, 3) सोन्याचे दागीने 4) रोख 12,000/- रू. असा एकुण 30,49,080/- रू चा मुद्देमाल काढुन दिल्याने तो जप्त करण्यात आला. आरोपीस मुद्देमालासह पुढील योग्य कारवाईस्तव गिट्टीखदान पोलीसांच्या ताब्यात देण्यात आले आहे.
वरील कामगिरी अपर पोलीस आयुक्त (गुन्हे) श्री. संजय पाटील, पोलीस उप आयुक्त(डिटेक्शन) श्री मुम्मका सुदर्शन, सहा्ययक पोलीस आयुक्त श्री. मनोज सिडाम, यांचे मार्गदर्शनाखाली, पोनि. महेश सागडे, सपोनी. पवन मोरे, पोउपनि मधुकर कोठाके, बलराम झाडोकर, सफौ. सतिश पांडे, दशरथ मिश्रा, मुकेश राउत, रविन्द्र सावरकर, आनंद काळे, मिलींद चौधरी, अनिल बोटरे, पोअ. विशाल रोकडे, जितेश रेड्डी, दिपक लाकडे, रविन्द्र करदाते यांनी केली.